黃小妹今天已是30w3d 今日上午，銀姐就上左qe第一個產前運動班。 qe既網上產前堂要最快成十一月頭先上，咁咪係第一次見醫生時叫佢轉介銀姐去物理治療部上堂囉！ 今日課堂主要係腰部護理同埋產前運動。 去到銀姐就搵張運動蓆坐低。 姑娘講解都幾詳盡，尤其做運動個部份，姑娘會每一個動作就走到每個孕婦身邊指導；不過有個別孕婦就做左兩個動作後有少少不適，姑娘便立即叫她們停止。 做完運動，第一堂就上完了，下一堂就係兩個星期之後。 到左下午，銀姐就去聽私人機構所辦的產前講座。 計埋今日呢個講座，大大話話都已經聽左八個，全是私人機構舉辦的。 除了每次都有禮品送外，最大得益就係聽左好多產前產後的知識。 今次講座名為「給寶寶的愛心錦囊」，分兩部份：臍帶血及孕婦營養須知。 由於銀姐係公立醫院分娩，所以臍帶血只係聽下就算；反而孕婦營養須知，營養師所講既資料都好有用，詳述分析孕婦所須的營養，原來孕婦係唔一定要飲奶架！ 完了講座，仲有免費度身高、磅重、量血壓、驗血糖，結果正常。 返到屋企，睇下袋講座贈品： 先有臍帶血的資料一大份 仲有，左起~~施巴嬰兒護膚試用套裝、日本肝油丸試食兩小包、Lierac 防妊娠紋膏及護膚用品試用裝一套、維她補孕葉酸維他命丸、維她補鈣維他命丸。 禮品都幾豐富架！